Salamat Kaibigan

Marami ang nagsasabi,
Kung bakit naging magkaibigan kami;

Sa kasabihang "Same birds, flocks together" na maririnig parati,
Hindi kami swak, ang samahan daw namin ay may sapi.

Nung kami ay nasa hayskul sa Paranaque,
Sa mga gusto't hilig, magkahiwalay na kami;

Ako'y naging aktibo sa mga grupo, doon ay sumali,
At siya'y nag-iintay... naiiwan sa isang tabi.

Taon ang lumipas habang kami ay lumalaki,
At sa kolehiyo, nag-kaiba ng iba't ibang kakampi;

Siya ay nanatiling simple, mabait at walang kimi,
Samantalang ako'y oras nauubos sa party-party.

Ako'y natutong uminom, magyosi,
Samantalang siya, kahit sisha, di sumayad sa kanyang labi;

Bakit nga ba ganun, natatanong ko parati?
Na ang aking bespren, dko maaya sa disco dyan sa Makati.

At ngayon nga, na nasa trenta na kami,
Ang aking kaibigan, walang pinagbago, walang kimi;

Ngunit, masayang naging ina sa mga anak nyang lalaki,
At heto ako, mag-isa, sa kagagala,di parin mapakali.

Minsan, tinanong ko ang Maykapal isang gabi,
Bakit siya ang aking bespren, bkit ang iba, hindi;

Ngayon ko lang napansin, habang ka-chat ko siya palagi,
Na ang aking bespren, ay ang aking Anghel sa tabi.

Naroon ang aking kaibigan habang ako'y umiinom,
"Isang bote lang Mai", ang sabi nya noon;

Naroon din siya habang usok ay nagmumula sa aking ilong,
" Pangit sa babae yan", ang sabi nya rin noon.

Sa dinami-dami ng aming pagkakaiba,
Ngayon lang naliwanagan ang aking mga mata;

Na siya ang aking Anghel na binigay ng Ama,
At nag hihintay ng aking pagbabago't bumalik sa Kanya.

Maraming salamat aking kaibigan,
Na hanggang ngayon, ikaw parin ay nandyan;

Maraming salamat sa mga payong walang katapusan,
Dahil hangad mo lang aking kabutihan.

Salamat… aking Kaibigan.


Happy Birthday sa iyo Myles!