Kanino Nga Ba?

Sa panahon na naiwan tayong mag-isa,
Maraming bagay ang naaalala;

Ang iba sa atin ay nagpapaluha pa,
Napakahirap ang mawalan ka.

Binabalikan natin ang nakaraan,
Kung saang lugar tayo nagsumpaan;

Mga nakatabing larawan,
Kasa-kasama hanggang sa higaan.

Bakit nga ba mahirap ang mag-isa?
Sa pakiramdam ay aping-api ka;

Walang patid ang luha sa mga mata,
Hindi na maibabalik ang lumipas pa.

Sa hapag kainan ay walang gana,
Ni isang subo ay hindi makuha;

Sa komedya ay napapaluha ka,
Sana ako na lang ay isinama.

Puso ko’y punong-puno ng pighati,
Hindi alam kung kailan pa makakangiti;

Sa nakaraan tila ako’y nakabigti,
Paano kaya dalamhati’y maiwawaksi?

Sabi nga ni kapamilyang Zsa Zsa,
Bakit ka ba gumigising sa umaga?;

Para saan at kanino nga ba?,
Gayong pagmulat ng mata ko’y wala ka na…