Babad

Tulang ito'y aking ginawa,
Alay sa bawat pamilya;
Bagong taon, bagong pag-asa,
Dalangin sa Diyos, na ating Ama.

Nais kong magpakalunod sa Iyong presensya,
Nais kong palakasin itong aking kaluluwa;
Ipagsigawan ang aking nadarama,
Ang pangungulila't pagkabalisa.

Ikaw Ang Dahilan

Ikaw ang dahilan ng aking pakikipagsapalaran,
hindi ko nais na ikaw ay iwanan;
kahit na ako'y nangibang-bayan,
ang puso ko’y sa iyo nakalaan.

Isang kahangalan ang sabi ng ilan,
walang utang na loob kanilang ibinibintang;
ngunit kung ako'y iyong pakikinggan,
damdamin ko'y lubos na mauunawaan.

Anak, Nasaan Ka Na?

Anak, saan ang landas na iyong patutunguhan?
Ano ang iyong plano sa kinabukasan?

Mayroon ka bang nais subukan?
Na sa mura mong edad ay gustong matikman?

Nais kong malaman mo na hindi madali, bilang OFW,
Na mawalay sa piling mo;

Gustuhin ko mang palaging nandyan sa tabi mo,
Upang damayan ka sa problema mo.

Sa Aking Pagbabalik, Dala Ko Ay Karunungan

Sabihin man ng ilan,
Na ako ay nangibang bayan;

At kanilang hinusgahang,
Iniwan ang lupang sinilangan.

Hindi ko pa rin magagawang,
Bayan ko ay kalimutan;

'Pagkat buo ang aking kaisipang,
Maging isang huwaran sa bansang aking pinuntahan.

Pilipino Ako

Watawat ng Pilipinas

Magiging matatag akong nakatayo at iwawagayway ang bandila ko,
Dahil alam ko sa sarili ko, ako'y isang marangal na Pilipino;
Anuman ang sabihin ng iba, anuman ang kanilang ihusga,
Hinding hindi ko ikahihiya, ang Pilipinas ang aking bansa.

Nanghihina ka na ba?

Mapalad ka aking kababayan,
'Pagkat lakas ng loob ang iyong puhunan;
Sa pagpunta dito sa gitnang silangan.