Sabi nila ang mga bayani’y matatapang,
Hindi umuurong sa anumang laban;
Maging sa mga pakikipagtalastasan,
Sariling bansa ay handang ipaglaban.
Si Jose Rizal ang sinasabing Pambansang Bayani,
Utak naman ng Himagsikan si Apolinario Mabini;
Ang unang bayaning nagtanggol sa ating lahi,
Si Lapu Lapu na kalayaan ang kanyang inani.
Sa tuwing aking naaalala,
Ang kanta ni Sharon Cuneta;
Nangungulila sa aking sinta,
Hinahanap hanap pa rin kita.
Labing –siyam na taon na ang nagdaan,
Ngayon bigla kang nagpaparamdam;
Kung kailan ang puso ko’y hindi na sugatan,
Sa alaala ng ating nakaraan.
Masakit na ako’y bigla mong tinalikuran,
Ayon sa 'yo’y ipinagpalit sa iyong larangan;
Nang hindi mo man lang sa akin ipinaalam,
Bigla ka na lang naglaho na parang buwan.
Sa panahon na naiwan tayong mag-isa,
Maraming bagay ang naaalala;
Ang iba sa atin ay nagpapaluha pa,
Napakahirap ang mawalan ka.
Binabalikan natin ang nakaraan,
Kung saang lugar tayo nagsumpaan;
Mga nakatabing larawan,
Kasa-kasama hanggang sa higaan.
Sino ba naman ang hindi umaasam,
Na ang huwaran sa Doha ay matagpuan;
Sana panawagan ni Babyluv ay mapakinggan,
Konting oras man lang sana ay mapagbigyan.
Halos taon na itong pinag-uusapan,
Unang bukas ng Chowking ay inabangan;
Ngunit hanggang ngayon wala pang kasagutan,
Sa pagkikitang parang lahat ay nag-aabang.
Maraming tao ang nangangarap,
Na Pag-iibigan nila’y matupad;
Tulad ng sariwang hangin na nalalanghap,
Pakiramdam na parang nasa alapaap.
Minsan sa buhay ko’y 'di ko akalain,
Na sa akin siya ay darating;
Ibibigay ng Panginoon natin,
Pero ni minsan hindi ko siya hiniling.
Mahabang panahon ang nagdaan,
Babyluv ay nawala sa balagtasan;
Mga akda'y hindi na nadagdagan,
May lungkot din akong naramdaman.
Paumanhin po at trabaho ang dahilan,
'di sinasadyang lumipat ng eskwelahan;
Mga gawain ay naging dagan-dagan,
Responsibilidad ay 'di pwedeng pabayaan.
Isip ko ngayo'y naguguluhan,
Dahil nakasalalay, aking kinabukasan;
Sana paghihirap ay mawakasan,
Maging maganda ang kapalaran.
Sobrang sakit na nararamdaman,
Sa damdamin ay sobrang kalungkutan;
Parang dinudurog ang kalamnan,
Sana ito'y aking malampasan.
