Tula
Nung makita'y walang dating,
Damdamin ay 'di naman umigting;
Ngunit mga araw ay dumating,
'di sadyang nakapiling.
Maraming masasayang alaala,
Walang araw na 'di magkasama;
Saksi ang mga kaibigan pa,
Mga taong mahal ko at mahal niya.
Maraming masasayang alaala,
Walang araw na 'di magkasama;
Saksi ang mga kaibigan pa,
Mga taong mahal ko at mahal niya.
Mga taong pinag‑umpisahan ng pagkakilala,
Lugar naman kung saan unang nagkita;
Unang hapunan sa bahay kung saan nagsama,
Mga bagay na sa atin'y magpapa alala.
Mga larawan sana'y pakaingatan,
Mga awiting pinilit kong kantahin;
Mga tulang hinango sa buhay natin,
Maging si "sugar" iyong pakamahalin.
Palengkerang bibig iyong alalahanin,
Pagtawang walang sosyal iyong dinggin;
Mga simpleng bagay iyo ring bitbitin,
Masasayang alaala wag sanang limutin.
Mga luto kong iyong natikman,
Na ikinasisiya ng aking kalooban;
Kahit walang lasa'y pinagtityagaan,
"Kalukaretan" ko daw unang nagustuhan.
Hindi naman nawawala ang tampuhan,
Subalit sa tagal ng pinagsamahan;
Dalawang beses lang 'di nagkaunawaan,
Sandaling oras ito'y nasolusyunan.
Pagsasayaw mo sa aking harapan,
Pagkanta na nanginginig pa;
Pagtitig sa mukha kong tabatsoy na,
Pagyakap na tila walang makakaagaw pa.
Mga kwentuhang walang kasawaan,
Mga kalokohang tayo lang nakakaalam;
Mga tawanang hindi mapigilan,
Mga iyakang alam naman ang dahilan.
Hinding‑hindi ko malilimutan,
Ala‑ala ng ating pinagsamahan;
Iyo sanang pakaingatan,
Kung anuman ang sayo'y inilaan.
Kung dumating man ulit ang panahon,
Na tayong dalawa'y may pagkakataon;
Mga ala‑ala sayo'y itatanong,
Sana nasa 'yo pa rin at 'di itinapon.
Aking aalalahanin masasayang nangyari sa atin,
Dito sa puso ko'y itatanim nang malalim;
Nang kahit sinuman ay di kayang hukayin,
Pangako… ikaw lang ang aking mamahalin…
Dito sa mundo, maging sa kabilang bahagi nito,
Alaala mo'y mananatili dito;
Maghihintay ako, kahit habangbuhay pa ito,
Basta pangako mo'y mamahalin pa rin ako.
Hindi ako mawawala diyan sa puso mo,
Kahit sa maliit na bahagi lang nito;
Ako sana diyan ay ingatan mo,
Hihintayin ko ang pagbabalik mo...