Nasaan Na?

Nasaan na ang iyong pagmamahal?
Bakit tila hindi ko maramdaman;

Ilang gabing pinagpupuyatan,
Tanging laman ng aking isipan.

May pag-asa pa bang,
Muli kong maramdaman?

Ngayong napakalayo na,
Ng iyong puso at isipan.

Paggising sa umaga,
Mayroong mga patak ng luha;

Na bumabakat sa aking punda,
Maski sa pangarap ay iniiyakan kita.

Ngayon ako ay matatag na,
Dulot na rin siguro ng pangungulila;

Handa nang kalimutan ka,
Paalam na lang ang masasabi pa.

Oo mayroon akong pagkukulang,
Mayroon din akong kasalanan;

Ngunit aking napabayaan,
Pag-ibig na nauwi sa tampuhan...

Hanggang sa hiwalayan,
Huwag mo sana akong sisihin;

'pagkat ikaw'y may pagkukulang din,
Binigo mo itong damdamin,
At pinaramdam na kaya mo akong limutin.

Minsan minahal kita,
At hindi na mawawala pa;

Ngunit puso ko'y mayroon nang nag-aalaga,
Nang higit pa sa iyong inaakala.

Handa siyang ako'y mahalin,
Paglingkuran at unawain;

Dalisay na pag-ibig ang alay sa akin,
Hindi ko kayang balewalain.

Alam kong iyong maiintindihan,
Ako man'y mayroong pangangailangan;

Pagmamahal na tunay at lubusan,
Na iyong ipinagkait mula una pa man.

Kung sakaling tayo'y magkitang muli,
Tandaan mong pagmamahal ko'y nananatili;

At kahit sa isang sandali,
Yayakapin kita at hahalikan sa pisngi.