Maikling Kwento
Ang
ng
DON'T JUDGE THE CHOCOLATE BY ITS COVER
TIKMAN BAGO HUSGAHAN
parang kwento ko…
BASAHIN NANG BUO, PARA SUMAKIT ANG ULO hehehe.
Oh anak, mukhang ginagabi ka yata ng uwi ilang gabi na?, tanong sa akin ni itay.
May konteng problema po kasi kami ng GF ko tay, mas lalo kong dinadagdagan ang oras na makasama ko siya at makausap, tugon ko.
Ah, sige magpahinga ka na, goodnight, paalam ni tatay.
Si tatay hindi talaga mahilig magtanong 'yan hanggat hindi ikukwento sa kanya ang mga nangyayari sa akin, siya 'yung tipo ng tatay na palagi kang iintindihin kahit na alam na alam kong may pagkakamali na ako, pero minsan tinanong ko siya
Oh wala ka bang pasok at tanghali na ay nakamukmok ka dyan sa sofa?tanong sa akin ni tatay.
May problema kasi ako tay, may bumabagabag sa akin, si Cheska kasi tay…
Anak, umupo si tatay sa tabi ko, tumayo ka dyan at ipagtimpla mo ako ng paborito kong kape, sabi niya.
Nagpunta ako ng kusina at nagtimpla ng dalawang kape, isa sa kanya at isa sa akin, alam kong inoobserbahan niya ang bawat kilos ko habang naghahanda ako ng inumin namin, matagal ko nang kilala si itay, alam ko kung paano niya ako susukatin sa mga nais kong malaman.
Iniabot ko ang kape kay itay at naupo, humigop siya at nagtanong.
Ano ba ang nanggugulo dyan sa isipan mo anak?tanong ni itay.
Hindi ko alam itay kung nagseselos ako o napapraning lang, madalas ko kasing nakikita si Cheska na nakikipagharutan sa mga kaibigan nyang lalaki, nagugulat na lang siya minsan kapag nananahimik na ako, ewan ko tay hindi ko alam tong nararamdaman ko, paliwanag ko.
Humigop ulit siya ng dalawa bago magsalita.
Anak, natural sa tao na magselos, lalo na kung mahal mo ang isang tao, hindi naman maiimbento ang salitang selos or jealousy kung hindi ito nag eexist, kalokohan lang ng iba na ipagmamalaking wala silang selos sa katawan, mga plastik, pero sa isang relasyon kailangan mong pag-aralan at pag-isipan kung nasa lugar ba ang pagseselos mo, kasi minsan ang pagseselos na wala sa lugar, maraming maaapektuhan, maaaring makasira ka ng relasyong magkaibigan.
Eh anong gagawin ko itay? Kung talagang nagseselos ako?magkasunod na tanong ko.
Anak, sabi mo nakikita mong nakikipagharutan si Cheska sa mga kaibigan niyang lalaki, natural magseselos ka kasi girlfriend mo siya, pero kung malawak ang iyong pag-iisip siguro, dapat alamin mo, baka mas nauna niyang naging kaibigan ang mga kaharutan niya, bago kayo naging magGF? Lumagay ka sa lugar anak, hindi mo dapat pagselosan ang mga lalaking 'yun dahil noong wala ka pa, sila ang nagpapasaya sa girlfriend mo, ang tanungin mo ngayon sa sarili mo bakit, patuloy siyang nakikipagharutan sa kanila samantalang magGF na kayo, siguro hindi siya masaya sa company mo, or talagang mas gusto niyang kasama sila kaysa sa iyo.
Naman tay naiiyak naman ako nyan, sabat ko.
Umayos ka kasi, mas maigi kasi ipadama mo sa kanya kung gaano siya kahalaga sa iyo, maski sa mga simpleng bagay para hindi niya hanapin ito sa mga kaibigan niya.
Ipinapadama ko naman sa kanya itay eh. Ano ang gagawin ko?Hanggang kailan ako magmamahal itay? Hanggang kailan?naitanong ko sa kanya.
Pagkatapos humigop ng dalawa ulit, si tatay ay lumapit sa tabi ko, ipinatong niya ang kanyang kanang kamay sa aking kanang balikat at nagsabi…
Alam mo anak minsan sa buhay ko, may pangyayaring hindi ko malilimutan, noong nag abroad ako sa Saudi anak, maliit ka pa noon, nagkaroon ako ng karelasyon, isang napakagandang babae, at talagang minahal ko.
Talaga 'tay? alam ba ni mama 'yun?
Oo anak, alam naman ni mama mo na lapitin talaga ako ng mga babae, at alam n'yang gwapo talaga ako noon, ang bilin n'ya lang huwag kong lolokohin ang babae, hindi baleng mambabae huwag lang daw manlalaki. Alam n'ya ang tiwala n'ya para sa akin dahil alam n'ya na darating ang araw kami pa rin ang magsasama, kagaya ngayon matatanda na kami, malalaki na kayo pero buo pa rin ang pamilya natin, oo nasaktan din ako pero wala akong magagawa, alam ko rin namang magkakahiwalay kami, dahil uuwi at uuwi rin naman ako dito sa inyo.
Tinanggal ni tatay ang kanyang pag-akbay sa akin at nakita kong yumuko siya, siguro naalala niya ang naging pag-ibig niya noon sa Saudi, nakita kong nagpahid siya ng luha.
Mukhang mahal na mahal mo pa rin siya 'tay, sabi ko.
Tumingin siya sa akin na namumula ang kanyang mga mata.
Oo naman anak, kapag ang isang tao, minahal mo na, hindi mo na kaya itong mabawi, ganyan kahiwaga ang pagmamahal anak, kaya sa tinatanong mo kung hanggang kailan ka magmamahal, ang sagot ko sa iyo hanggang tumitibok ang puso mo, makapangyarihan ang puso, napakaliit na bahagi ng katawan ng tao pero walang hanggan at sukatan ang kakayahan nitong magmahal.
Eh paano 'tay kung hindi ko na kayang tanggapin ang sakit? Paano kung hindi na kayang tumibok ng puso ko para magmahal?
Isa lang ang sagot dyan anak, hindi ka talaga nagmahal, hindi tunay at puro kalokohan lang, dahil kung tunay kang nagmamahal, mas titignan mo ang pagmamahal mo sa kanya kaysa sa sakit na nararamdaman mo, mas bibigyan mo ng pagpapahalaga ang mararamdaman niyang sakit kaysa sa sakit na mararamdaman mo.
Tama ka 'tay, nasabi ko.
Inilapit ko ang aking kamay sa kanyang mga kamay at hinalikan siya sa pisngi.
Alam mo 'tay mahal na mahal kita, dahil ni minsan hindi mo ipinagkait sa akin ang pagmamahal ng isang ama, ni minsan hindi binanggit ni mama sa amin na nagkaroon ka ng ibang pag-ibig sa Saudi dahil hindi ka nagkulang ng pagmamahal sa amin. Naiintindihan ko kung bakit mo kailangang magmahal noon.
Alam mo anak, tao lang ako, hindi ako santo at magpapakaplastik na hindi marunong matukso, nagmahal ako dahil minahal ako, at ako ang taong kapag minahal mo, ay hihigitan ko pa ang pagmamahal na ibinibigay mo sa akin na nakahandang masaktan kung kinakailangan. Maraming pag-ibig ang nauuwi sa hiwalayan dahil hindi nila tunay na nauunawaan ang pagmamahal, dumarating sila sa puntong iniisip ng bawat isa na sila ang nasasaktan, sila ang naaagrabyado, sila ang nalalamangan, at ipagsasabing nagmamahal sila. Kalokohan! Kung nasaan man siya ngayon anak at kung sakaling binabasa niya ito ngayon, alam ko na alam niya na patuloy akong nagmamahal sa kanya, dahil mas pinahahalagahan ko ang pagmamahal ko sa kanya kaysa sa sakit na nararamdaman ko sa aming pagkakalayo.
Salamat 'tay, guminhawa ang pakiramdam ko, ngayon gusto ko lang isipin na mahal ko si Cheska, 'yun at 'yun lang.
Huwag mo lang basta isipin anak, ipadama sa kanya ang tunay at wagas na pagmamahal na dapat maranasan ng isang babaeng minamahal.
Huling tanong itay, tanong ko.
Sige anak, ano 'yun?tugon niya.
May naging anak ka ba liban sa amin?tanong ko na nakatitig sa kanyang mga mata.
Si mama at ate dumating na galing palengke.
Anak, tumayo ka dyan at pagbuksan mo si mama mo.
Daya mo 'tay hindi mo pa sinasagot ang tanong ko.
hello!?
hello !? tatay??tawag ko sa mobile niya.
Nagpunta si tatay sa kumpare niya na may kaarawan, pinapatawag ako ni mama para tanungin kung anong oras siya uuwi para masundo ko.
hello JP! oh!?sagot nyang may garalgal ang boses, malamang ay lasing na si itay
'tay, tinatanong po ni mama what time kayong uuwi para masundo ko daw kayo, tanong ko.
aba'y, umalis ka na, tamang tama 'pag dating mo tapos na kami ni pareng melchor, pag aayang sagot ni tatay.
Dali dali akong nagpunta ng banyo para maligo upang makaalis agad at masundo ko si tatay. Habang nasa byahe at banayad naman ang patakbo ko sa minamaneho kong kotse ay bigla akong napahinto. Naaninag ko si Cheska sa may 'di kalayuan, naglalakad, sinundan ko siya at binusinahan, lumingon siya sabay hinto ko ng kotse.
Babe, saan ka pupunta?tanong kong may pag-aalinlangan, (hindi kasi siya nagsabi sa akin kung saan siya pupunta, samantalang dati halos lahat ng kilos nya ay ipinapaalam niya sa akin, samantalang ako, maski ngayon na susunduin ko si tatay sa inuman ay tinext ko pa sa kanya)
Dyan lang babe, may bibilhin lang, sagot ni Cheska na may pagmamaktol.
Lalo tuloy umigting ang aking paghihinala na baka may kausap siyang makikipagkita.
Sakay ka na, ihahatid na kita, pagpupumilit ko.
Hindi na po, personal na lakad ko ito babe, sunduin mo na si tatay mo, baka inaantay ka na nun, pagmamaktol nyang sagot.
Lumapit siya sa pintuan ng kotse at inilapit ang labi nya sa aking pisngi na akmang hahalikan ako. Inilapit ko naman ang aking kaliwang pisngi.
Lakad ka na babe, i'll be fine. Ingat ka pag uwi mo ha!?
Yes Babe, tugon ko.
Grabe talaga 'toh si Cheska sa sobrang lambing eh nakalimutan kong nagseselos ako. Hmmmmp, hinayaan ko siya sa gusto nya, pinaandar ko na ang kotse at lumayo sa kanya.
Ano kaya ang gagawin nung babaeng 'yun? tanong ko sa sarili ko, saan kaya siya pupunta?
Hindi ko namalayan sa aking pag-iisip ay tanaw ko na ang bahay ni Mang Melchor. Ipinarada ko sa labas ng kanilang apartment ang kotse at pumanhik sa kanilang bahay.
Good Evening po Mang Melchor, Maligayang Kaarawan po!bati ko.
Aba JP salamat, halika at kumain ka muna, Lukring! Lukring! JP sumama ka kay Lukring doon sa loob para makakain ng handa ko, pag aaya ni Mang Melchor.
Si tatay po nasaan?tanong ko.
Ayun nagpunta ng banyo, umihe, sige kain ka na muna doon, at matatapos na kami ng tatay mo, sagot niya.
Dumating si Aling Lukring at sinamahan ako sa hapag kainan, binigyan ako ng pinggan at pinakain.
Tanaw ko mula sa lamesa na dumating si tatay mula sa banyo, naupo sa may veranda kung saan sila nag-iinuman, nakita ko pang itinuro ang kinaroroonan ko ni Mang Melchor kay tatay, sabay kaway naman ni tatay sa akin na aktong lasing na nga. Binilisan ko ang pagkain at lumapit sa kinaroroonan nila.
Humalik ako kay tatay at naupo, tahimik at nagmamatyag habang sila ay inuubos na ang bote ng Fundador.
Ano tara na!?tanong ni tatay sa akin pagkalagok niya ng huling tagay.
Si-sige pa kasi medyo gabi na rin, tugon ko.
Nagpaalam na kami kay Mang Melchor at Aling Lukring…
Ito na ang pagkakataon kong matanong si tatay kung nagkaanak ba siya sa babaeng 'yun noong nasa saudi siya
Pa, natatandaan mo pa ba 'yung tanong ko?
Ah ano 'yun anak?
Kung may naging anak ka ba liban sa amin?
Siguro naman ay nasa tamang edad ka na para maunawaan ang mga sitwasyon ng buhay… Oo nagkaroon kami ng anak ni Cecilia, minahal ko siya at ipinaglaban namin ang pag-ibig namin at ang buhay ng bata.
Nakita ko sa gilid ng aking mga mata na nangingilid ang luha ni tatay, hindi ko siya matitigan nang husto dahil nasa highway kami at kailangang bilisan ang takbo ng kotse
May tanong ka pa ba JP?
Saan na po ang anak ninyo tatay? Ano ang pangalan niya?
Nagkasundo kaming kapag nagbakasyon kami ay magkikita kami sa Pilipinas ngunit hindi siya pinayagan ng amo niyang sumabay sa pag-uwi ko, lumipas ang dalawang buwan hanggang sa makabalik ako sa Saudi at nalaman ko na nagbakasyon naman siya, mula sa kanyang matalik na kaibigan. Nawalan kami ng kumunikasyon hanggang sa isang text message niya sa akin na nakapanganak na siya ng batang babae sa Pilipinas. Ibinigay niya ang napagdesisyunan niyang pangalan ng bata at kung saan sila nakatira. Iyon lamang ang tangi kong impormasyon na hawak hawak ko hanggang sa umuwi ako ng Pilipinas makalipas ang limang taon. Alam ng mama mo na hinanap ko ang kinaroroonan ni Cecilia pati na ng anak namin, ikinuwento ko sa mama mo ang mga pangyayari, dito ko napatunayang mahal na mahal ako ng mama mo pati na ang pamilya natin.
Teka 'tay, matagal na 'yon ah, malamang dalaga na ang anak ninyo?putol kong tanong sa kwento ni tatay.
Makalipas ang halos dalawang taon na paghahanap mula ng umuwi ako dito sa Pilipinas ay sinabihan na ako ng mama mo na itigil na dahil bumaba na ang katawan ko, kakahanap, kakaisip. Nagpapasalamat pa rin ako sa mama mo dahil hindi nya ako pinabayaan sa panahon ng aking kalungkutan.
So hanggang ngayon wala kang alam kung nasaan si Cecilia at ang anak mo 'tay?paglilinaw kong tanong.
Halos lahat na lang ng Santo Domingo na apelyido sa buong lugar ng Batanes ay hinanap ko na, napuntahan ko na ang lahat ng anim na bayan sa Batanes ngunit wala pa rin akong nakita o nakakakilala kay Cecilia. Hanggang sa magdesisyon kami ng mama at ate mo na lumipat dito sa Quezon para magbagong buhay.
Sana makita mo ang anak mo 'tay, sana mabigyan ka ng pagkakataon na makilala siya at makahingi ng tawad sa mga pagkukulang mo. Hayaan mo 'tay, tutulungan ka namin ni Cheska na hanapin online ang pangalan ni Cecilia at ng anak mo. 'Tay ano nga pala pangalan ng anak mo? 'tay? 'tay?nakatulog na…
Ah ano?naalimpungatan…
Ano ang pangalan ng anak mo kay Cecilia 'tay?
Ahhh Francheska, Francheska Santo Domingo…
Kinilabutan ako nang marinig ko ang pangalan ng anak nya, Francheska Santo Domingo rin ang pangalang buo ni Cheska, kailangan kong malaman kung ano ang pangalan ng kanyang ina.
Nakauwi na kami ng bahay, ngunit halos hindi ako makatulog sa kakaisip kay Cheska, kapag nagkataon, lalabas na half sister ko siya, tsk tsk tsk…
Kinabukasan pinuntahan ko si Cheska sa kanila.
Tao po, magandang umaga po, nariyan po ba si Cheska?
Ah JP, ikaw pala, salubong sa akin ng kanyang ina, tuloy ka, parating na rin sya, nagpunta lang ng sementeryo kasama si Nik Nik, may pinagdalhan sila ng bulaklak…
Ah tita, ano nga po pala ang tunay ninyong pangalan?tanong kong parang tanga lang, tagal na naming magkakilala at magkausap hindi ko alam ang pangalan ng nanay ng GF ko
Norma, Norma Santo Domingo, teka ha, at gagawan kita ng Avocado Shake ha, alam kong paborito mo 'yan sabi ni Cheska, dyan ka lang, antayin mo na sya at parating na siya.
Parang binuhusan ako ng malamig na malamig na tubig nang marinig ko ang pangalan ng nanay nya, baka nga magkaparehas lang sila ng pangalan, pero bakit parang matindi ang kaba ko?
Bumalik na muli si Tita Norma at iniabot sa akin ang Avocado Shake, nagpasalamat ako at tumalikod syang papalayo dahil may gagawin pa daw siya sa kusina ngunit hinabol ko siya ng tanong.
Tita taga saan po ang mga Santo Domingo? Hindi po kasi nababanggit sa akin ni Cheska, pagka arugante kong tanong.
Ahh taga Batanes kami, sa bayan ng Mahatao, malapit sa Simbahan ng San Carlos Borromeo, tugon niya.
Si-sige po salamat, at unti-unti na syang lumayo.
Nagreply na si Cheska sa text ko, aabutin daw siya ng tanghali sa sementeryo kasama ang kanyang pamangkin, kaya sya na lang daw ang pupunta sa bahay mamaya 'pag dating niya. Malungkot akong nagpaalam kay tita Norma. Hindi ko na naman nakita si Cheska. Naiinis ako na ewan, nagpunta sya ng sementeryo pero hindi man lang nagtext, kung hindi pa ako nagpunta sa bahay nila hindi ko pa malalaman.
Umuwi ako at nadatnan kong nagbabasa si tatay ng peryodiko, ito na ang pagkakataon kong tanungin siya ng mga bagay bagay para masagot ang mga tanong ko sa isip.
'Tay mano po, bati ko…
Kaawaan ka ng Diyos JP, tugon niyang may pagpapala
'Tay matanong nga kita, saan ba ung lugar na sinabi sa iyo ni Cecilia sa Batanes?
Hmmmmm, anak, JP, kalimutan mo na, kinalimutan ko na rin si Cecilia, tinanggap ko na noon pa, na talagang hindi na kami magkikita pa, pati na ng anak namin. Hayaan mo na JP, tugon ni itay na may panghihina.
Ramdam ko ang pait sa kalooban ni tatay sa mga nabanggit niya, sa dalawang taon nyang paghahanap sa kanila, hanggang sa bumigay siya at sumuko. Ngunit sa kabila noon ay nasaksihan ko rin ang kanyang katatagan sa pag-aaruga sa aming pamilya niya.
'Tay hangga't may buhay may pag-asa, maaaring hindi kayo pinagtagpo noon dahil hindi pa kayo handa para sa isa't isa, kung bibigyan lang sana ng pagkakataon na magkita kayong muli ay ihanda mo na ang iyong sarili 'tay, malay mo ang matagal mo nang hinahanap ay nariyan lang pala.
Tao po! JP?? Babe??, tawag ni Cheska.
Biglang may kung anong liwanag ang bumuhay sa diwa ni Tatay, tumayo siya at pinagbuksan ng pinto si Cheska.
Tito si JP po?tanong ni Cheska
Na-nasa loob, tuloy ka, tugon ni tatay na may pagkagaralgal na tono, aninag ko ang pag-asa kay Tatay nang una niyang makita si Cheska.
Tay si Cheska po, babe si tatay, pagpapakilala ko sa kanila, dagling humalilk si Cheska kay tatay.
Hindi ko mawari ang reaksyon ni tatay nang humalik sa pisngi niya si Cheska, parang may kung anong kuryente ang dumaloy sa halik ni Cheska na lalong nagpasigla sa aura ni tatay.
Oh Hija maiwan ko na muna kayo, paalam ni tatay at pumunta sa silid.
Babe, pasensya na kasi natagalan kami ni Nik Nik pagbalik galing ng Sacred Heart Cemetery, dinalaw ko si Tita Cecilia
Parang nagpanting ang taenga ni tatay at biglang lumingon sa amin.
Cecilia?hindi na napigilan ni tatay na magtaas ng boses.
O-opo tito si Tita Cecilia nga po…
Cecilia Santo Domingo?tanong ulit ni tatay
Opo tito, kapatid po siya ni inay…
Hindi na nagdalawang isip si tatay at niyakap nya nang mahigpit si Cheska.
Natulala ako sa mga nasaksihan ko na hanggang ngayon ay hindi ko matanggap na kapatid ko sa ama si Cheska.
Mahal ko siya. Ngunit Hanggang Kailan?
