Ang hangin kahit saan pwede pumunta
Pwede madama, at pwede mo makasama
Samantalang ako, nandito mag-isa habang iniisip ka
Sana hangin na lang ako, para sa mga oras na ito magkasama tayoKung ako si Bathala
Hindi ko pagbibigyang maging hangin ka
Sapagkat minsan ka nang humiling sa akin
Pero sinayang mo ang pagkakataon
Sinayang ang..
ang...
basta sinayang moSa mga araw na naiisip ko
Mga sandaling sinayang ko
Pagmamahal na inalay mo
Parang mamamatay na ako
'Pagkat hindi ko napahalagahan
Pag-ibig mo na sa akin ay inilaan
Siguro nga'y nasaktan kita
Pero sa puso ko, ikaw lang ang nag-iisaAko ba ang iyong kausap?
O ang hangin na iyong hinahagilap
Ang pag-ibig na iyong pinalampas
Panghihinayang ngayon ang iyong binibigkas
Kung siya, hanggang ngayon sa iyong puso'y nag-iisa
Aba!, ang masasabi ko ay nahihibang ka na
Lumakad papalayo at huwag nang lilingon pa
Dahil masasaktan ka lang sa iyong inaakalaAlam ko naman na hindi na maibabalik
Mga pagmamahalang nakasasabik na dati ay kay lambing
Kaya kung pwede lang maging hangin, ay akin nalang nanaisin
Para lagi nalang kaming magkapilingHindi nga pupwede ang iyong hinihiling
Sapagkat kapag ikaw ay naging hangin
Hindi mo malalaman kung saan ka dadalhin
Mawawala ang iyong pakiramdam at iyong damdamin
Huwag nang ipagpilitan
Dahil ikaw lamang ay masasaktan
Sakit at hikbing iyong nararamdaman
Hinding hindi mo maliligtasan
Kapag ikaw ay naging hangin
Dobleng dusa ang iyong sasapitin
Pati ang hindi mo dapat marinig na usapin
Maririnig mo't mababasa, na masakit sa saloobinHindi ko pinagpipilitan na maging hangin
Kung 'yan ang iyong palagay hindi kita pipilitin
Malaya mong ipahayag ang iyong damdamin
Para ako'y iyong pangaralan
Pero salamat sa pambabasag mo
Ang ilusion pala ay hindi totooAno ba ang pinagsasabi mo?
'Pagkat iba ang intindi ko
Nakakasabik na iyong sinabi
Hindi naman talaga pwede
At kung hindi ako pipilitin
Salamat sa iyong paglalambingBakit nais mong maging hangin?
At hindi sundin ang iyong damdamin
Mas magandang nailalabas mo ang saloobin
Upang lumuwag ang iyong damdamin
Kung nararamdaman mo'y totoo
Demokrasya ang bansang kinagisnan mo
Wala dapat humarang dito
Kahit na ilang batalyon pang sundalo
Minsan naisip ko ring maging hangin
Upang madama n'ya, bulong ng damdamin
Pero naisip ko baka kung saan ako dalhin
Kung ako man ay maging isang hanginKaibigan payo ko sayo'y pakinggan
Ang saya, hapdi at lungkot na nararamdaman
Minsan kusa na lang umaalis yan
At kung 'yan ay lumisan
Ibig sabihin, payapa na ang iyong kalooban
At kung ang sarili mo ma'y nasaktan
Sapat nang humingi ng tawad ng bukal sa kalooban
At kung s'ya naman ay hindi mo malimutan
bakit hindi mo ba kayang ipaglaban ang nararamdaman?Pinaglalaban ko naman ang aking nararamdaman
Sadyang may balakid lang sa aking daanan
Na silang gumagawa ng paraan para 'di ako makadaan
Pero akin pa rin ipaglalaban
Kahit ilan pa ang humarang
Kahit sino at ano pa sila
Lalagpasan ko para lang sa kanya
Ipaglalaban ko ang pagmamahal ko
Kahit pa kapalit nito ang buhay ko
Dahil s'ya lang ang nilalaman ng aking puso
Walang sino man makakapagpabago
Nitong nararamdaman at tinitibok ng puso
Dahil nag-iisa lang s'ya sa buhay ko
Hindi ko s'ya ipagpapalit nang kahit na sinoGanyan nga aking kaibigan
Pinakikita mong ika'y may paninindigan
Na alam mo na ang iyong patutunguhan
At ang gustong tahaking daan
Minsan ka nang bumitiw sa nararamdaman
At pinabayaang mawala ang taong nasa harapan
Tulad nang hangin na iyong ninais minsan
Nawala na lang ito at hindi mo na alam kung nasaan
Kaya ngayon kung anoman ang nararamdaman
Tama man o mali sa may karamihan
Siguro'y panahon na para ipaglaban
Huwag mong hayaang panahon pa ang lumisan
At ang tadhana ang patuloy kang talikuran
Dahil sa dami ng pagkakataong iyong pinabayaan
At mga tao at araw na hindi mo napahalagahan
Dahil ang panahon 'pag nagdaan hindi mo na ito maaring balikan
Hinding hindi na balikan
Hindi na
