Tula
Isang sikat na libangan,
Dito sa ating tambayan;
Tara nang sagutan,
Ang palaisipan.
Mga simpleng salita,
Na humahasa sa memorya;
Mula sa panitikan,
Hanggang sa pelikula.
Anim na letra pahalang,
Sigarilyo ng tikbalang;
Baka hindi mo pa alam,
Kung ano ang kabisera ng Guam.
Kailangang magkatugma,
Ang isasagot mo pababa;
Dahil kung hindi tama,
Malamang ikaw'y magbura.
Huwag kang mandaraya,
Na abangan bukas ang resulta;
O kaya naman ay manghula,
Dahil sagot mo'y mali mali na.
Itong tula ay alay ko sa mahal kong ina,
Na palaisipan fanatic mula pagkabata;
Huwag mo lamang iistorbohin,
At baka ikaw ay dyaryo'y hampasin.
Ang tulang ito ay nailathala sa blog ng aking kaibigang
Ronald Mallari "Mga Tula ng Buhay at Pag-ibig ATBP"
Isang kahilingan lang po na sana ay samahan ninyo akong
ipanalangin ang aking Ina na ngayon (April 21, 2011)
ay nasa East Avenue Medical Center
Alam ko Nay kaya mo 'yan, sa'yo ako nagmana
ng lakas ng loob…
Salamat Po.
