Dula Daluyan

notesnikiko.com Dula Daluyan

Maikling Kwento

Ang buod ng dulang inyong matutunghayan ay naisali sa Dula Daluyan nuong 1989 sa Dulaang Raha Sulayman, Fort Santiago, Intramuros Manila. Kami (MHS Batch '91) sa pangunguna ni Ms. Rizalina Cusi (MAPeH Teacher) ay gumanap bilang mga tauhan sa dulang..

Isang Araw sa Buhay ni Pedro

Ako at ang aking matalik na kaibigang Jojo Impimo ang gumawa ng script at sa tulong ni Direk Soxie Topacio, ito ay naging makabuluhan at pinagmulan ng inspirasyon upang magsikap kaming mag-aral.

    Mga Tauhan:
  1. Pedro — batang lansangan na nabubuhay sa pagpapalimos
  2. Juan — kasama ni Pedro na namamalimos
  3. Kiko — pulis na kasangkot sa sindikato
  4. Chard — lider ng sindikato
  5. Mannix — kasama sa sindikato
  6. Inay — ina ni Pedro
  7. Madam — manghuhula sa Quiapo
  8. at iba pang mga kasama (MHS Batch '91)

BUOD

Si Pedro at Juan ay mga batang lansangan na pilit na pinagmamalimos ng sindikato sa pamumuno ni Chard sa mataong lugar ng Quiapo, napagkasunduan nilang tumakas sa sindikato at humingi ng tulong sa pulis ngunit nabigo sila dahil dinala sila ng pulis sa lugar na pinagkukulungan ng iba pang batang lansangan na bihag ng mga sindikato.

Sa kahabaan ng gabi at sa kanyang pag-iisa, narining ni Pedro ang tinig ng kanyang namatay na Ina. Humagulgol siya ng iyak na sana ay naroon ang kanyang ina, at sana ay makaalis na siya sa sindikato.

Inay, gusto ko pong mag-aral, gusto ko pong magkaroon ng kinabukasan! …isang dulang nagmulat sa aming magkakaklase na magsikap mag-aral at hindi lumaki sa lansangan… …naging daluyan ng pagkaunawa ang aming naging dula at ito ang nagmulat sa amin upang magsikap mag aral…
nawa'y maging daluyan ka rin ng pagpapala para sa mga nais magsikap mag-aral…
Manila High School IV-1 Class 1991